O PNV pide o traslado do 'Guernica' a Euskadi

Asegura que a presenza en Euskadi da obra de Picasso sería unha homenaxe ás vítimas do bombardeo

Xornal.com 03/03/2010

O PNV pediulle este mércores ao Goberno central que realice as xestións oportunas ante o Padroado do Museo Nacional Centro de Arte Reina Sofía para "garantir a conservación e ulterior traslado" da obra Guernica, de Pablo Ruiz Picasso a algún dos museos de Euskadi, "a terra que serviu de inspiración ao autor", agora que "polo visto" os "inconvintes" para o seu cambio de localización "desapareceron".

Ademais, tras lembrar que, proximamente cumpriranse 75 anos do bombardeo da vila foral, asegurou que a obra de Picasso é "un símbolo deste país" e a súa presenza en Euskadi constituiría unha homenaxe ás vítimas daquela traxedia.

Nunha iniciativa, a parlamentaria Leire Corrales afirma que, tras coñecer que se avalía a posibilidade de trasladar o Guernica de Picasso do Museo Nacional Centro de Arte Reina Sofía a un salón de Antigo Museo do Exército, situado no Prado, lembrou que sempre que a formación jeltzale reclamou "que se traia a obra a Euskadi" negouse a posibilidade "por problemas de conservación, xa que o cadro está deteriorado". "Alegaron que os informes técnicos desaconsellan o simple desmonte do cadro e que o traslado non sería seguro", agregou.

Segundo Corrales, "polo visto, todos eses inconvenientes desapareceron", polo que expresou a súa confianza en que "agora accedan a que o Guernica estea en Euskadi, xa que, si non, córrese risco ao trasladar a obra dun museo a outro en Madrid, tampouco debería haber problemas para desprazala a Euskadi".

BERRO POLA PAZ

A parlamentaia nacionalista afirmou que o Guernica "non é calquera cadro, xa que ten unha dimensión tan simbólica para a historia que calquera suxestión ou comentario debe adquirir dimensión de debate social", e lembrou que "a destrución da cidade que representa as liberdades vascas pola aviación nazi, ás ordes de Franco, serviu de inspiración a Pablo Picasso".

Corrales asegurou que "o Guernica de é un símbolo deste país, é un berro pola paz e a liberdade". "Cando estamos preto de que se cumpra o 75 aniversario do bombardeo de Gernika, ter aquí o Guernica de Picasso suporía render unha sentida homenaxe ás vítimas do que sucedeu, que está perfectamente expresado no óleo", concluíu.