xoves, 30 de decembro de 2010

Sacan á luz documentos inéditos de Alexandre Bóveda

A Universidade de Vigo abre unha páxina na rede cun material que inclúe a última carta que lle escribiu o galeguista á súa esposa antes de ser fusilado

XAIME LEIRO, 15-12-2010


Unha carta de Filgueira Valverde a Alexandre Bóve­da que reflicte o seu "encontrón" sobre os criterios de esquerda ou dereita que debería to­mar entón o Partido Galeguista, é un dos documentos inéditos que desde esta semana se po­drá consultar na web www.alexandrebóveda.org impulsada pola Cátedra Alexandre Bóveda, perten­cente á Universidade de Vigo.
A Cátedra que onte pre­sentou o catálogo Alexandre Bóveda nosn seus documentos inclúe nel como peche a conmovedora a mi­siva á súa esposa Amalia es­crita na madrugada do propio día en que foi exe­cutado.
A carta di tex­tualmente. "Choliños, miña Peque, Vidiña: Quixen es­cribirche moito. Mais xa sabes canto puidera dicir­che. Perdóame todo, que os peques me lembren sem­pre, que cumpras tódolos meus encárregos. Eu, almi­ña, estarei sempre convosco, como che prometín. Faltan uns minutos e teño valor, por vós, pola Terra, por to­dos. Vou tranquilo. Adeus Vidiña. Vive pra os peques e os vellos; abrázaos, enfín­taos. Se Ti, miña pequeniña ademirable, a máis valente de todos. Alá sentirei lle­dicia e satisfacción de Tí e de todos. Lembrareivos sempre, velarei sempre por vós. Adeus. Contigo, cos pe­ques, cos Vellos todos, esta­rá sempre na lembranza, na máis grande, na máis fonda, na máis infinda das apertas, o voso Xandro. P.S: Recei contigo".

OS CONTIDOS

Máis de 700 entradas
Os autores do pro­xecto anunciaron ademais onte en Pontevedra que se colgarán na rede un total de 730 documentos inédi­tose cedidos pola familia do político fusilado no outeiro da Caeira en 1936. O venres inaugúrase no pazo da Cultura de Pon­tevedra, sede da Fun­dación Bóveda, a maior exposición realizada ata agora sobre este político, que incluirá por vez prime­ra obxectos que pertence­ron ó malogrado dirixente que foi ademais o primeiro director da extinta Caixa de Aforros de Pontevedra, entidade integrada en Nova­caixagalicia, que colabora coa cátedra.

Ningún comentario:

Publicar un comentario